Mad for Garlic (已結業)

自己本身唔太喜好食蒜头，不过听讲呢间韩国餐厅都几出名，去开又一城就试试佢啦！我哋两个人叫咗四款食物:蒜头番茄白酒汁炒八爪鱼及蚬$108- 分量细细碗，虽然卖相唔太吸引，但系食落蕃茄汁酸酸地好开胃，蒜味唔太重，八爪鱼口感弹牙。虾、菠萝、炸蒜片MFG招牌意大利薄饼$138- 薄饼几特别，炸蒜片同其他材料嘅化学作用做得唔错，带出蒜头嘅香味，不过略嫌菠萝同虾嘅份量比较少。蒜香带子香草忌廉波菜面$168- 蒜头喺呢道菜嘅成份相对较多，带子煎得香脆，本身都新鲜所以食落几甜，建议加埋蒜片一齐食。卖相几好。DIY提拉米苏配意大利手指饼及咖啡甜酒$68- 唔知点解明明啲材料都系一样，只不过额外加咗啲蒜头粒，但系所有食材加埋又唔似食紧提拉米苏，感觉有啲新奇有趣。