Mad for Garlic (已結業)

蒜迷至愛好似第一次食以蒜為主題嘅餐廳!! 我係名副其實嘅一個蒜迷, 一定要試啦❤️今晚係朋友幫我慶祝生日, 好在佢有預約到, 我見餐廳內好多位都reserved, 我見七點零都full曬lu~ 呢度環境都唔錯啊, 雖然座位有少少迫, 不過環境靜靜地, 好啱朋友傾吓計! 同埋一入坐嘅時候, 佢就話只可以坐兩小時, 不過我哋超過兩小時佢都冇趕我地走, 可能冇其他客人等啦! 我哋叫咗個蟹肉龍蝦意粉, 我覺得呢個好好味呀, 雖然蒜味唔係好重, 不過意粉軟硬適中, 蟹肉龍蝦肉都足夠, 又夠creamy, 正!!另外我哋叫咗個T骨扒, 呢個就真心有啲失望, 我哋叫咗六七成熟, 我諗佢煮到差唔多九成啦, 真係over左, 如果唔係應該幾好食, 配菜同埋意大利麵團都幾好食ge~ 朋友亦好好, 之前已經打電話嚟留咗呢款甜品, 上面寫咗Happy birthday, 不過就唔可以寫埋名, 如果可以就Perfect la!