影片
更多
2025-01-17
0 浏览
放假带公公婆婆饮茶, 佢地钟意食一盅两件，所以就去石门京瑞广场嘅蒸庐啦。嗌个炖汤有花胶、虫草花、鸡、栗子、桂圆等，用料十足，炖汤完全无添加味精，味道清澈带甜，所以饮完都唔会口干，够晒营养，冬天最啱就系滋阴养肺，真系好有住家嘅味道。荷叶蒸饭用一大块荷叶蒸起，所以上枱已经有荷叶香气。两个蒸饭都配上菜粒，好清新。而其中虾子榨菜肉饼饭嘅虾子配上榨菜够晒惹味爽口，肉饼唔会散，肉味香浓；而香辣银鱼排骨饭嘅亮点系啲银鱼仔咸香突出，加上甜豉油更加香口惹味。蒸美点用大大个蒸笼，入面有9样嘢食：2件晶莹虾饺皇、2件蟹籽烧卖皇、2件鲜虾豆苗饺、2件叉烧包同马蹄糕。叉烧包面包软绵，叉烧足料，记住趁热食。马蹄糕唔会死甜，而且有唔少马蹄，食落香口唔腻。不过，我哋3个人唔太够分，所以3大皇牌要另外encore！虾饺皮薄馅靓，有两大只虾，好弹牙新鲜。大大粒嘅烧卖，虾肉弹牙，仲有香菇味，但重点系肥肉瘦肉比例啱啱好，面头舖满蟹籽，好吸引。鲜虾豆苗饺卖相好靓，豆苗鲜甜，虾肉弹牙，但略嫌皮较厚。排骨好入味，配埋芋头做底，索晒排骨同老抽豆豉味，正。腐竹包住滑鸡、鱼肚、冬菇同芋头，但就无我最钟意嘅火腿，好彩滑鸡都大大旧，所以卖相
嗌个炖汤有花胶、虫草花、鸡、栗子、桂圆等，用料十足，炖汤完全无添加味精，味道清澈带甜，所以饮完都唔会口干，够晒营养，冬天最啱就系滋阴养肺，真系好有住家嘅味道。
荷叶蒸饭用一大块荷叶蒸起，所以上枱已经有荷叶香气。两个蒸饭都配上菜粒，好清新。而其中虾子榨菜肉饼饭嘅虾子配上榨菜够晒惹味爽口，肉饼唔会散，肉味香浓；而香辣银鱼排骨饭嘅亮点系啲银鱼仔咸香突出，加上甜豉油更加香口惹味。
蒸美点用大大个蒸笼，入面有9样嘢食：2件晶莹虾饺皇、2件蟹籽烧卖皇、2件鲜虾豆苗饺、2件叉烧包同马蹄糕。
叉烧包面包软绵，叉烧足料，记住趁热食。
马蹄糕唔会死甜，而且有唔少马蹄，食落香口唔腻。
不过，我哋3个人唔太够分，所以3大皇牌要另外encore！
虾饺皮薄馅靓，有两大只虾，好弹牙新鲜。
大大粒嘅烧卖，虾肉弹牙，仲有香菇味，但重点系肥肉瘦肉比例啱啱好，面头舖满蟹籽，好吸引。
鲜虾豆苗饺卖相好靓，豆苗鲜甜，虾肉弹牙，但略嫌皮较厚。
排骨好入味，配埋芋头做底，索晒排骨同老抽豆豉味，正。
腐竹包住滑鸡、鱼肚、冬菇同芋头，但就无我最钟意嘅火腿，好彩滑鸡都大大旧，所以卖相份量都满足。
萝卜糕用料有冬菇、虾米、腊肠等，虽然未有大量萝卜丝，但一啲都唔死实，两边仲煎得非常香脆。
张贴