野郎Stone Ya Rou Stone

营业中

休息中

环境4分：超市餐厅隔局一目了然，简单通爽，全部都系Ｄ吧位包围住个开放式厨房，可以畀四分。卫生4分：吧枱同櫈好整齐，电子炉同D调味品唔会话黐立立，每两个位就有块胶板隔开，而且一D油烟味都冇，可以畀四分。服务5分： 厨房入面有两个服务员，一男一女，上菜果阵时教路点食先最好，好有心，所以要畀满分！味道5分：叫咗个蒸笼定食，包含前菜三点，白饭，味噌汤。前菜三点系腌菜，沙律，泡菜，有酸有辣，好开胃。味噌汤够热。大碗白饭可以免费添，洒左Ｄ紫菜饭素响面好香口。180g美国牛小排全部舖响蒸笼上格，边蒸边食，靓牛肉肥瘦比例好，又够薄，唔使全熟，七八成Ｄ肉最软熟，夹住牛肉底D菜同菇一齐食，点埋个烧烤汁，芝麻酱，同蒜蓉真系非常之嘢味。抵食4分：原价$178蒸笼定食星期一至四有八五折，美国靓牛绝对系高级货，份量足，蒸黎食好健康，畀佢四分。