蕃滿門

营业中

休息中

一向都钟意食蕃茄汤粉既我，点可以未食过蕃满门，之前都去过元朗分店，今日去开大埔游完水，就顺路去食个丰富既午餐啦。下昼一点左右黎到，门口已经好多人，但好彩都系等左十五分钟就有位。因为同行既朋友细食，所以叫左一碗什锦蕃茄滑蛋浓汤螺丝粉两份食。什锦螺丝粉大大碗有好多𩠌，岩晒两个人食。蕃茄汤可以拣原味或辣味，个人觉得原味好味d，之前食过辣味觉得有少少盖过左蕃茄鲜味，食完粉饮埋个汤真系无得顶。汤粉加20蚊可以有个薯饼，粟米同一杯饮品，我地拣左南瓜薯饼，薯饼即炸入口热辣辣，甜甜地认真好味，粒粒粟米加埋落螺丝粉一齐食好夹。蕃满门鸡中翼:一直都想试呢个鸡翼，但之前食一碗粉又食唔落鸡翼，今次终于有机会试。鸡翼即叫即焗，味道酸酸辣辣几开胃，四只话咁快就食晒。埋单每人60蚊左右食到饱晒，但周末lunch时间都好多人等位，唔想等位就要早d黎喇。