甘味處鎌倉

营业中

休息中

今日行开新城市原来新城市开咗间日式蕨饼甜品店，日式装修，连入边嘅员工都着和服真系好日式！佢嘅蕨饼真系做得好出色，见到系即场做，好新鲜！做到软硬适中，好湿润！口感一流非常之滑，甜度适中，钟意食蕨饼嘅人真系要来一试！当中我最钟意饮佢啲蕨饼饮品，饮料里便有蕨饼，有咬口得来又唔会好似珍珠咁硬，非常之特别。今日我哋叫咗个草莓乳酪蕨饼饮，里边除咗有蕨饼之外仲有草莓果肉，即系一试难忘。另外牛奶咖啡嘅咖啡味超香浓，加上咖啡味嘅蕨饼真系一流。钟意食蕨饼嘅朋友可以净买蕨饼，我哋都试咗十件装嘅蕨饼盒，非常之新鲜。呢度仲有刨冰食，有好多口味选择，可以一试嘅。