影片
更多
2013-07-08
59 浏览
今次已经系第二次嚟呢间CAFE食晚饭，贪佢坐得舒服同埋饭餐有趣。只可恨，佢哋冷气太冻、音乐太嘈，所以好多人都系食完好快就走，实在太冻太嘈喇。 讲番啲食物，真心讲，我系因为有啲挂住佢个King Taco Rice ($93)，所以先会再嚟。你问我点解挂住...咁又答唔出，可能因为有好多菜挂...同埋啲味几特别啰，出面揾唔到，你试咗就会明。今次我另外叫咗个豆腐Caesar Salad ($68)，基本上可以接受，无咩特别，不过要小心豆腐上有一旧非常非常咸、带有少少梅味嘅酱，食嘅时候记得将佢捞埋落个沙律度先好食，如果唔系会咸死。不过个人认为其实唔落好过落。 上次叫咗个有Parma Ham 嘅 Pancake，味道麻麻，因为料咸但饼底甜，感觉好怪。于是今次叫番个正常嘅Chocolate Pancake with Banana ($78) 就觉得好好食喇，大家可以一试，只系饼底整得有啲太㶶太薄，所以有啲苦。至于友人叫嘅 Hamburger Combo ($115)，牛肉汉堡非常骚（我本身好喜欢食羊都觉得佢好骚）、肉质怪怪，唔似纯牛肉，抵唔抵食就见仁见智。基本上食完今餐，又可以隔番好一段时间都唔使
讲番啲食物，真心讲，我系因为有啲挂住佢个King Taco Rice ($93)，所以先会再嚟。你问我点解挂住...咁又答唔出，可能因为有好多菜挂...同埋啲味几特别啰，出面揾唔到，你试咗就会明。今次我另外叫咗个豆腐Caesar Salad ($68)，基本上可以接受，无咩特别，不过要小心豆腐上有一旧非常非常咸、带有少少梅味嘅酱，食嘅时候记得将佢捞埋落个沙律度先好食，如果唔系会咸死。不过个人认为其实唔落好过落。
上次叫咗个有Parma Ham 嘅 Pancake，味道麻麻，因为料咸但饼底甜，感觉好怪。于是今次叫番个正常嘅Chocolate Pancake with Banana ($78) 就觉得好好食喇，大家可以一试，只系饼底整得有啲太㶶太薄，所以有啲苦。
至于友人叫嘅 Hamburger Combo ($115)，牛肉汉堡非常骚（我本身好喜欢食羊都觉得佢好骚）、肉质怪怪，唔似纯牛肉，抵唔抵食就见仁见智。基本上食完今餐，又可以隔番好一段时间都唔使嚟，佢并非好食到要经常要嚟，不过间唔中食吓系几得意嘅。
题外话/补充资料：
希望佢哋可以搅搅啲音响同冷气，不过呢个可能系行销手法都唔定，唔坐得耐先可以做多啲客嘛。
(以上食记乃用户个人意见 , 并不代表OpenRice之观点。)
张贴
