Saravanaa Bhavan (已搬遷) 新店位置

星期一同朋友谂住收工出黎聚下，于是约系尖沙咀见面，顺手行下街咁。路过见到有个餐牌，又有印度人派传单，谂谂下之前好似好少食过印度菜，于是就上咗去试下印度菜。上到去见到系入面做野嘅都系印度人，而且人客大多数都系印度藉，就知道呢间餐厅呢印度菜应该几正宗下。我同朋友一人叫咗一个套餐，我就叫咗个萨拉维亚套餐，里面有好多唔同嘅配料：有配菜，酸辣汤，酸奶，咖喱，乳酪等等...薄饼点上咖喱得特别美味。唔同嘅配料配上白饭都有唔同嘅感觉。朋友就叫左另外一个套餐，北印度套餐，配料同上面个套餐差唔多，饭就系杂菜饭除咗套餐之外，我地仲有叫个小食，酸奶薯蓉配炸圆脆饼，起初睇落下以为系热食，但食落先知系冻食黎，有唔同嘅层次感，几特别几脆口。另外饮品我地都叫咗个芒果奶昔，甜度啱啱好，所以好快就饮晒了。