紫蝶花 (已結業)

仍然身处前线服务行业嘅我，系每次购物/堂食嘅时候，多多少少都重视其服务态度。唔知由几时开始，大家有冇发觉好多时埋去「老麦」柜台前买野食，其回应系零温度、无尾音、木无面情甚至我遇过一面不屑嘅嘴脸，整个过程都唔会有一声「多谢」，唔知以为欠佢地钱未还。呢个现象真系越嚟越「普及化」，有时候我真系谂返转头：「其实系咪我自己要求太高咋？你去买嘢，人地一定要同你讲多谢嘅咩？」不过亦都系因为咁，当我又一次得到呢种体验嘅时候，就可以系自己内心嘅清单剔除其选项，令本身有选择困难症嘅我，系日常消费当中就越嚟越识拣，节省咗唔少时间同金钱，少帮衬咗「老麦」之后，人都健康啲😉今日又系将军澳觅食，呢间我第一次食，食过之后我已经相信呢到会变成我嘅饭堂。一嚟佢够近图书馆，二嚟佢餐牌上都有唔少选择，最紧要嘅系，呢间啲店员亲切又有礼👍🏼1️⃣好多餐厅员工为咗方便自己可以行少2步，就算系non peak hour，都会编排食客坐系同一区域，但呢间店员啲哥哥/姐姐，好乐意比你自行决定坐边，亦不断行走为食客服务，乐而不疲。2️⃣清洁度足够👍🏼👍🏼就算卡位梳化，佢地系带客入座之前都会仔细抹干净先（因为系我用餐时亲眼目睹），实在难得！3️⃣帮你