影片
更多
2023-07-30
206 浏览
呢间以明朗蓝色同橡木色为主调，加上半开放式拱形窗边设计嘅西班牙餐厅，装修风格特别又有格调，老实讲已经拉咗小妹只脚入嚟😍 不过呢度绝对唔系得门面，食物质素令人有惊喜，选择多，兼备传统菜同创新西班牙菜式，摆盘精致，📸打卡值一流🌟除咗成日见人post嘅足料龙虾海鲜饭，仲有其他好食主菜等你发掘。餐厅有室外空间，客人可以一边欣赏中环街景，一边品尝美食。1️⃣ 烤春鸡 🐓 Spring Chicken ($150) 春鸡皮烤到恰到好处，望落金黄酥脆，亦闻到好香，未食就流哂口水🤤；肉质鲜嫩多汁，唔干唔鞋口，好高质！春鸡配上柠檬香草汁，味道清新特别，令春鸡嘅风味更加突出。自家制厚切粗薯条系新鲜烤焗，外酥内软，撒上少少海盐已经够好食👍🏻 2️⃣ 吞拿鱼他他 Tuna Tartare ($120)吞拿鱼好新鲜，完全冇腥味，一啖入口充斥住满满嘅吞拿鱼，配合埋三文鱼籽同牛油果，细细嘅Tapas口感竟然可以咁丰富，同时清新细腻，完全体会到Tapas嘅魅力：小巧精致！3️⃣辣肉酱肠三文治 Sobrasada Bikini ($130)面包被牛油煎到外层好酥脆，入面搽咗蜜糖，佢嘅甜美正好平衡较浓味嘅肉肠同芝士，三者好夹，唔想嗌
1️⃣ 烤春鸡 🐓 Spring Chicken ($150)
春鸡皮烤到恰到好处，望落金黄酥脆，亦闻到好香，未食就流哂口水🤤；肉质鲜嫩多汁，唔干唔鞋口，好高质！春鸡配上柠檬香草汁，味道清新特别，令春鸡嘅风味更加突出。自家制厚切粗薯条系新鲜烤焗，外酥内软，撒上少少海盐已经够好食👍🏻
Spring Chicken
$150
4 浏览
1 赞好
0 留言
2️⃣ 吞拿鱼他他 Tuna Tartare ($120)
吞拿鱼好新鲜，完全冇腥味，一啖入口充斥住满满嘅吞拿鱼，配合埋三文鱼籽同牛油果，细细嘅Tapas口感竟然可以咁丰富，同时清新细腻，完全体会到Tapas嘅魅力：小巧精致！
Tuna Tartare
$120
15 浏览
0 赞好
0 留言
3️⃣辣肉酱肠三文治 Sobrasada Bikini ($130)
面包被牛油煎到外层好酥脆，入面搽咗蜜糖，佢嘅甜美正好平衡较浓味嘅肉肠同芝士，三者好夹，唔想嗌太多主食但想要饱肚感嘅话，呢个系唔错嘅选择。
Sobrasada Bikini
$130
19 浏览
0 赞好
0 留言
4️⃣ 西班牙大虾炒蒜瓣 Gambas Al Ajillo ($160)
Gambas Al Ajillo系一道经典Tapas，多用热镬送上，保持温度，亦令大蒜、橄榄油同辣椒嘅味道更容易渗入虾肉之中。呢度嘅Gambas Al Ajillo，大虾够鲜嫩厚肉，只系虾肉有啲过熟。味道方面，建立每啖鲜虾配上一小块蒜瓣，令整体鲜味更浓郁，层次level up。
Gambas Al Ajillo
$160
18 浏览
0 赞好
0 留言
为免好快饱哂食唔落其他嘢，今次冇叫招牌龙虾海鲜饭，反而专特嗌多啲Tapas试试水准，结果系几有惊喜🤩 春鸡鲜嫩多汁、粗薯条嘅松脆、吞拿鱼他他嘅清新、Sobrasada Bikini嘅丰富味感，仲有Gambas Al Ajillo嘅浓郁，如果花心思去拣，西班牙菜的确可以俾你喺一餐饭入面，喺味觉、口感、香味同颜色上作出唔同配搭，食到层出不穷😋😋😋
✍️评分
味道：9/10
环境：8.5/10
服务：9/10
打卡值：9/10
抵食：8.5/10
张贴
