麵館皇

营业中

休息中

今晚去cwb行街街，去左登龙街食野，天气凉左，想食热面，经过呢间，店员非常nice咁介绍食物，又见入面坐满晒人，所以就入去试试！入到去，好香好补嘅药材鸡汤味，已经好吸引，食欲大增，我地两个都选了药材汤面，我选了鸡汤米线，朋友就选了口水鸡刀削面！另嗌了小菜海带！先上碟嘅系海带，好大碟丫！有切得幼嘅又有少少粗切嘅，下面仲有少少醋？酸酸地好开胃丫！我期待嘅米线到啦，好大碗又用个石煲咁上，好热，上紧个时仲系滚嫁，厉害丫！个汤底最正，我饮晒，好香鸡汤加药材味，好有妈妈住家汤味道，五十多元可以有汤饮有米线食所以都真系几著数丫！另外鸡好滑，食得出系新鲜鸡嚟，一丁点雪味都冇，同肉质同味道都好新鲜！整体非常好！大大碗，食晒劲饱，好食过其他米线舖头！下次经过一定再食！！