湯。雞

营业中

休息中

突然有日fd子心血来潮想食鸡汤米线，但又想食其他野，所以嚟去咗葵广食完呢个鸡汤米线再扫街。出面大排长龙，店员示意我哋落咗单先，入到去坐低就好快有得食。首先嚟咗个冷盘小食先！泡椒牛柏叶超级入味，冻食酸酸甜甜好开胃，而且份量都几足。听朋友讲，冷盘小食好快会卖晒！之后就上咗我嘅主食 - 药饍醉鸡刀削面。我觉得药饍汤药材有啲偏重，有少少涩味。但醉鸡味道几好，唔会食完好似真系饮咗酒咁，几有香味。朋友果个系砂锅花胶鸡汤翅米线，胶味好浓，饮落个汤好顺口好丝滑！（早知叫呢个XD）鸡件、花胶同米线份量十足，仲有唔少翅（不过细细条）。最后我仲偷咗佢个汤嚟饮，好满足呢！葵广嘅主食选择都好多，呢间虽然要排队但系值得的。