麵館皇

营业中

休息中

药，一般比人感觉系：苦、唔易入口、对身体好，但药膳料理就可以令人吸收药对身体好处之外，原先唔易入口既缺点到得到改善，令人舒服享受食物同时达到调理身边效果。睇完餐牌就点左麻辣口水鸡、药膳汤刀削面。药膳汤面即叫即造，所以要等一阵，食住口水鸡先，面头配料有生蒜、花生、豆豉、辣椒，底下有甜豉油同青瓜，鸡肉方面好肥美嫩滑，捞匀一齐食辣度好够，蒜香同辣一齐攻击喉咙，唔错！主角终于到，来到时煲保持住高温，汤依然处于沸腾状态，起初以为会系浓烈苦茶味，结果原来系淡淡清新药材香，味道亦都好清，带少少甜味，至于刀削面口感特别，因为刀切面关系，面心同外边口感唔同，内裹烟韧外面柔软。