Cocolo Tokyo Cake Factory (形點 I) (已結業)

此店终于进驻新界，落脚于元朗，行过路过唔好错过，外卖咗个青森苹果批做晚饭后甜品🤤我有用焗炉翻热佢，一出炉就好香😌！酥皮层次分明十分松脆，只系我觉得脆过头，食到散落一地😅个苹果内馅就好啱我口味，用青森苹果本身都应该唔会太差，调味上落咗苹果个best friend 肉桂，应该唔系落好多，而就同个苹果融为一体，相依为命，成个味道升华晒。内馅无煮过龙变烂溶溶，果粒算分明，大爱🥰。加上本人唔喜欢太甜，佢就酸甜适中，感觉接近翻个原材料，无过份整色整水浪费咗个食材。仲有其他黎自日本嘅苹果批未试，试完再作比较。整体来讲今次经验唔错！