Porterhouse - Seafood & Steak

营业中

休息中

落雨天嘅星期六无无聊聊，最适合揾个有情调嘅地方饱餐一顿，朋友介绍中环兰桂坊呢间Porterhouse - Seafood & Steak，食佢哋个周末早午自助餐，佢哋嘅食物又真系几丰富㖞！餐厅位于加州大厦7楼，一入到去就感受到有种高级时尚嘅氛围，环境舒适好坐，坐低望出窗外仲可以睇到中环嘅景色，真系几正。海鲜早午自助餐，每位HKD598，小童HKD279，有各类海鲜、冻肉拼盘、烤肉专区、即煮意大利面、热溶芝士及精选沙律，甜品区都比想像中丰富。呢度最吸引梗系海鲜，有新鲜生蚝、龙虾、蟹脚⋯⋯食物新鲜，卖相都几唔错，补充都快速嘅，食完再拎都几过瘾吓！沙律吧就有唔同款嘅沙律同前菜，热食方面有竟然有蒸海鱼、牛扒、烧腩仔、烧鸡块，新鲜热辣非常吸引，特别系蒸海鱼，鱼肉高质嫩滑；烧鸡块入味却嫩口。甜品区都几丰富，有多种高质意大利甜品，芝士蛋糕、蛋挞、朱古力挞、焦糖布甸、Tiramisu …仲有新鲜水果，尤其钟意哈蜜瓜同西瓜，爽甜多汁，好适合夏天解暑。