影片
更多
2017-06-22
116 浏览
今次去九龙城唔系食泰国菜，而系打边炉。呢间系一间精品火锅店，餐枱颜色以浅白木色为主，墙身就用上灰色，再上吊灯，有风格之余俾人感觉干净舒服。食物选择多，净系牛肉都有6款，菜嘅种类亦好多，差不多讲得出嘅菜都有！海鲜类嘅食物亦都占咗三份一个餐牌。值得一提嘅系佢好多特色食品，例如: 黑松露翠玉瓜饺、海鲜蛋角等，喺一般酒楼或者火锅店系揾唔到嘅。我哋叫咗: 冬瓜瑶柱汤底、手切肉眼边肥牛(例牌)、澳洲带子、黑松露翠玉瓜饺、三秒腐皮、唐生菜同埋鱼蓉面，仲有竹蔗芧根水。汤底先上，打开见到一片片有造型嘅冬瓜，见得到系花过心思去处理食材，瑶柱虽然细粒，但系数量多到锚极都有！呷一啖汤，清清地，正好中和一阵食咁多肉类嘅肥腻。先嚟个三秒腐皮，待应摆上嚟嘅时候已经有香味飘过，我只手唔觉意掂到腐皮嘅时候发现原来仲系热嘅，证明系即叫即炸，外型同口感都保持喺最佳状态！带子上枱时我数过，有8粒！而且粒粒直径大过个5蚊银，肉厚，甚至开边后，厚度都有翻咁上下。就算系急冻带子都好，解冻时间过长都系会腥，但佢呢只带子完子无腥味，虽然不及新鲜带子，但都有淡淡鲜味。手切肥牛比机切好，因为有一定嘅厚度先有口感𡁻头，牛肉切到起双飞，唔会失
今次去九龙城唔系食泰国菜，而系打边炉。呢间系一间精品火锅店，餐枱颜色以浅白木色为主，墙身就用上灰色，再上吊灯，有风格之余俾人感觉干净舒服。
食物选择多，净系牛肉都有6款，菜嘅种类亦好多，差不多讲得出嘅菜都有！海鲜类嘅食物亦都占咗三份一个餐牌。值得一提嘅系佢好多特色食品，例如: 黑松露翠玉瓜饺、海鲜蛋角等，喺一般酒楼或者火锅店系揾唔到嘅。
我哋叫咗: 冬瓜瑶柱汤底、手切肉眼边肥牛(例牌)、澳洲带子、黑松露翠玉瓜饺、三秒腐皮、
唐生菜同埋鱼蓉面，仲有竹蔗芧根水。
汤底先上，打开见到一片片有造型嘅冬瓜，见得到系花过心思去处理食材，瑶柱虽然细粒，但系数量多到锚极都有！呷一啖汤，清清地，正好中和一阵食咁多肉类嘅肥腻。
冬瓜瑶柱汤
14 浏览
0 赞好
0 留言
先嚟个三秒腐皮，待应摆上嚟嘅时候已经有香味飘过，我只手唔觉意掂到腐皮嘅时候发现原来仲系热嘅，证明系即叫即炸，外型同口感都保持喺最佳状态！
三秒腐皮
6 浏览
0 赞好
0 留言
带子上枱时我数过，有8粒！而且粒粒直径大过个5蚊银，肉厚，甚至开边后，厚度都有翻咁上下。就算系急冻带子都好，解冻时间过长都系会腥，但佢呢只带子完子无腥味，虽然不及新鲜带子，但都有淡淡鲜味。
带子
24 浏览
0 赞好
0 留言
手切肥牛比机切好，因为有一定嘅厚度先有口感𡁻头，牛肉切到起双飞，唔会失踪于汤底𥚃。
手切肉眼边肥牛
45 浏览
0 赞好
0 留言
我哋仲叫咗火锅店嘅特色饺，黑松露翠玉瓜饺。饺子熟咗之后，外皮呈半透明，饺皮薄嘅程度可想而知。咬落去馅料结实，黑松露嘅香味随即一涌而上，估唔到黑松露同中式水饺系可以咁和谐地配合。
黑松露翠玉瓜饺
23 浏览
0 赞好
0 留言
鱼蓉面，原本以为系白色鱼面，吱出嚟先发现原来系鲮鱼肉，鲜味 Level UP!
最后想讲嘅系竹蔗芧根水，清清地唔会死甜，真系觉得饮完好清凉。
估唔到打边炉可以惊喜处处，一定会再去！
张贴
