蝦棧 (已搬遷) 新店位置

鲍鱼有专门店、龙虾都有专门店，估唔到连虾都有专门店。今日老婆话想食虾，就带左我黎食呢间以虾为主嘅虾栈。位于太子花园街近界限街嘅虾栈，地铁站行过黎都系5分钟左右，揸车黎嘅话门口都有少量咪表位，非常方便。店外都挂有餐牌及厨师推介，亦见到有唔少传媒、专栏介绍过虾栈。我就比呢个虾缸吸引左啦，呢度主要以大头虾为主，仲系即叫即捞起，保证新鲜。店铺内里以白色为主，虽然座位不多，但整体感觉干净舒服。虾栈当然以虾为主啦，虾煲选择最多，共有10款比你拣。其余仲有唔同嘅小食、时蔬、锅物及饭面等等呢个香煎墨鱼黑白卷，其实黑同白只系有无墨鱼汁嘅分别，但味道同样可口，点埋酱汁就更加好味。如果你未食过臭豆腐，但又顶唔顺佢阵味嘅话，试呢个一口炸豆腐就啱晒啦。佢无传统臭豆腐嘅臭，但质地同口感都非常接近，炸得相当香口，我就觉得好吸引啦。卤水拼盘有齐晒猪牛鸡。牛展够香，鸡脚就够晒入味，而猪大肠就清洁得够干净，可以放心食用。主角出场啦--咸蛋黄虾煲。虽然咸蛋黄出名系邪恶嘅食物，但佢果份咸香同虾嘅鲜味，的确系绝佳嘅配搭。大头虾虽然只有6只，但只只都份量十足，确系抵赞。跟住就系另一个主角--避风塘虾煲。佢唔算好辣，但一放入口，果