蝦棧 (已搬遷) 新店位置

挨年近晚我最钟意去花墟行街买花，今日朋友带我去附近一间台式小店食令人食指大动的虾煲。虾栈店小小的，位于花园街食肆林立那条街的街尾位置的地下舖。以虾为主打，店面有很大的鱼缸装满新鲜四围游的罗氏虾即我地叫的大头虾，菜单上虾煲款就有十款咁多，有辣有唔辣。既然到台式店，我就拣左有厨师推介标志富台湾特色嘅胡椒虾煲，菜牌列明起码有300g咁多，可能系虾大少不一，所以用重量才决定数量多寡。在等待期间先后食左冷盘醉鸡卷，无骨啖啖肉仲酒香四溢，唔错。个一口豆腐同港式分别颇大，虽炸得脆脆地但非金黄色，豆腐又是嫩的，而变了QQ的弹弹如鱼蛋的质地，几得意。跟住上左个边炉我还以为是虾煲用，但转头就闻到劲香的黑麻油味，就知是黑麻油鸡煲来了，鸡滑，味香ㄡ不油腻，值得推介。食到只余细半煲鸡，主菜胡椒虾煲到，这菜色、香、味俱佳，虾头一掷，金黄虾膏急流下，搞到我急急把虾放口中，显得有点狼狈。罗氏虾肉厚弹牙，膏多但虾味较淡，好在D酱汁好呛又浓郁弥补这一方面嘅不足。主食叫左 卤肉鲜虾米粉，不愧台湾米粉，质滑配鲜甜上汤不油卤肉及大虾，好滋味。最后要提一提这里份梳打特饮调得好好不容错过。