影片
更多
2015-12-23
4111 浏览
依家食蚝喺好普遍嘅一件事，但要食到高质素，又抵嘅地方就未必多。之前都去过好几间餐厅，都有生蚝供应，而且款式多，水准高，的确令人回味。今晚嚟到The Oyster House，睇名你就知目的何在，同朋友一于亳不留情尽尝美味新鲜生蚝 。铺内地方唔细，并且采用可开放式折门，可惜，枱与枱之间实在排得太密集 。犹幸，环境在灯光及一室木系嘅枱櫈下，仍让人感到有气氛 ，再者，嚟嘅都喺斯文客，懂得放低音量，免骚扰他人。是晚生蚝就肯定喺其中一位主角，再翻一翻餐牌，生蚝、海鲜以外，仲有好多菜式，以意大利菜式为主，包括：沙律、前菜及小食、自大家制意大利面、薄饼、厨师精选菜式、多款主菜、甜品……等等 ，所以，就算唔食蚝都唔使担心无嘢拣 。此外，喜欢食海鲜，又想多元化，更想优惠抵食，以下依个海鲜拼盘（生蚝、海胆、带子、鲍鱼及熟虾各两件，只卖$99）真喺平靓正，抵到晕 ，「求其」抽其中两样都唔止$99啦。点解我无试，只限星期一、二啰！唉 ！好在优惠岂止一个，只要每个客人计，惠顾两杯餐酒，任何生蚝都有六折优惠，计计数，食得生蚝少就唔划算，食得多就有数围，再者，生蚝款式又多 ！ 意大利香草包
铺内地方唔细，并且采用可开放式折门，可惜，枱与枱之间实在排得太密集 。犹幸，环境在灯光及一室木系嘅枱櫈下，仍让人感到有气氛 ，再者，嚟嘅都喺斯文客，懂得放低音量，免骚扰他人。
是晚生蚝就肯定喺其中一位主角，再翻一翻餐牌，生蚝、海鲜以外，仲有好多菜式，以意大利菜式为主，包括：沙律、前菜及小食、自大家制意大利面、薄饼、厨师精选菜式、多款主菜、甜品……等等 ，所以，就算唔食蚝都唔使担心无嘢拣 。
此外，喜欢食海鲜，又想多元化，更想优惠抵食，以下依个海鲜拼盘（生蚝、海胆、带子、鲍鱼及熟虾各两件，只卖$99）真喺平靓正，抵到晕 ，「求其」抽其中两样都唔止$99啦。点解我无试，只限星期一、二啰！唉 ！
好在优惠岂止一个，只要每个客人计，惠顾两杯餐酒，任何生蚝都有六折优惠，计计数，食得生蚝少就唔划算，食得多就有数围，再者，生蚝款式又多 ！
意大利香草包 点好餐后，徐徐送上就喺意大利香草包，枱上已有黑醋及橄榄油供客人使用。微暖嘅香草包轻盈清香，让胃口为餐前作个轻松准备。
白酒 $65 红肉配红酒，白肉配白酒，小弟嘅饮酒理论就喺咁肤浅，皆因平常都唔多饮，只喺高兴场个呷几啖。嚟自澳洲嘅白餐酒（名字忘记咗），清澈晶莹，入口带点果酸香，酒精度唔太高，都颇易入口，啱晒我㖞！再者，配合稍后享用嘅海鲜，感觉的确唔错！
生蚝拼盘 虽然有十多款生蚝，但未必样样都有齐，况且，对蚝嘅认识小弟都喺属于有限公司，所以，对店长讲咗唔同地方嘅生蚝想试吓，唔同味道、口感嘅又想试，价钱最好平贵都有啲啦，最后，店长就推介咗以下款式。最欣赏佢哋开蚝俐落，既无碎壳，又细心去埋带子位方便食用，一撩，一啖，搞掂 ！
生蚝拼盘
93 浏览
2 赞好
0 留言
美国品种，4只中体积最小巧嘅一款，海水味唔强，口感带少少绵柔，但蚝味唔失礼，颇适合初食蚝或唔钟意太重味嘅客人。个人喜好，只唧少少柠汁提鲜，甚至鸡尾酱都唔好落。
Rollex $42 南非品种，较Willapa大只少少，海水味突出啲，又唔会太咸，味道较甜，口感非常绵滑，喺我哋今晚较喜欢嘅品种。
Spanish Rock $49 西班牙品种，举足轻重嘅份量，喺是晚最有睇头嘅品种，绝对满足大大啖嘅欲望。海水味好强劲，证明佢哋唔会揾大量清水去冲洗啲蚝，保持蚝身嘅海水原味，之但喺依一款有点过咸嘅感觉，所以，多唧啲柠汁喺明智之举，口感爽脆跟前两者好唔同。
La Boite a Bijoux $54 法国品种，几款中以依款法国蚝嘅蚝味最浓，海水嘅咸味仅次于只西班牙蚝，入口同样爽脆而余韵长。
几款蚝的确各有特色，让人有唔同嘅体验！既然毫不留情海鲜之夜，就当然要继续品尝海鲜菜式，但估唔到之后试嘅厨师特色海鲜菜式都咁有惊喜。翡翠螺 $108
餐牌写住用上法国货色，敢写得咁明确自然有信心啲，一客有8粒，最钟意喺佢起晒壳，去埋肠，唔使自己搞，一拮就食得，摆一粒壳做装饰，朋友话增加佢嘅意识形态㖞，哈哈！翡翠螺弹牙有咬口, 伴上自家调制嘅辣酱，沾少少，令鲜味更突出，伴碟嘅青瓜条亦好爽脆。
翡翠螺
$108
48 浏览
1 赞好
0 留言
生蚝新鲜好食，熟蚝做得又如何？珍珠蚝以巴马火腿卷、青瓜片叠住卷起，内里更加埋紫洋葱、甘笋条、九芽菜，口感非常丰富，味道咸香有层次，蚝味亦相对浓郁，精采嘅前菜。
巴马火腿生蚝卷
$108
42 浏览
1 赞好
0 留言
试过多款海鲜菜式，带嚟满腔滋味。跟住想清清哋清新一吓味蕾，所以，拣咗一道沙律作间场，以准备迎接下一道菜。牛油果烟三文鱼沙律 $108
个沙律其实好简单，就喺牛油果、烟三文鱼、紫洋葱、菠菜嘅组合，淋上自家醋汁，酸香醒胃，唔算有咩惊喜，胜在用料唔错，够平稳。
牛油果烟三文鱼沙律
$108
39 浏览
1 赞好
0 留言
主菜我哋只拣一客肉眼扒就够晒，因为一客有成300g，仲有伴菜份量都唔嘢少，啲薯蓉软滑又添加咗少少香草香味，烤什菜亦唔错；件肉眼又如何呢？卖相充满炭烧坑纹，带焦香，好吸引，切开睇落好似过咗五成熟，不过，入口又确喺不俗，肉质软腍富肉香，咬落又够肉汁 。
炭烧美国安格斯肉眼扒
$235
52 浏览
1 赞好
0 留言
甜品共有4款选择，包括招牌嘅香蕉拖肥批、意大利芝士蛋糕、云呢嗱雪糕及心太软朱古力蛋糕，原意打算叫头两款，可惜大家胃纳有限，连一向对甜品有杀错、无放过嘅小弟，都真喺食得几饱，所以，只点选招牌一款。
香蕉拖肥批 $55 见好多人都推介依一道甜品，加上香蕉及拖肥两样「飞弗」食材，又点会错过呢！以消化饼底做批底，欣赏佢做得够薄，铺上拖肥酱之后，放上香蕉，再填满焦糖忌廉，垂直轧一小件放入口，浓香滋味。虽然用上拖肥，亦无预期中过甜嘅情况，甜度可以话恰到好处 。
香蕉拖肥批
$55
78 浏览
1 赞好
0 留言
早段上菜速度啱啱好，一道菜接一道菜，唔会太急，又唔会等太耐。不过，去到肉眼就等咗好耐，服务上叫做有少少瑕疵，然而整体都好到位，斟水、换碟都勤快做足。喜欢食海鲜菜式，又钟意唔同食法嚟叹海鲜，更想有情调环境去享受一下，依度的确喺个上算嘅选择 。
张贴
