The Oyster House (已搬遷) 新店位置

经两班唔同嘅朋友都同步介绍呢间餐厅，仲话啲海鲜好正尤其是生蚝，所以就急不及待约埋合共四个人来食餐劲。首先当然叫咗佢哋星期一及二既超特价既二人海鲜餐$99，即系每人$50，每人有一只矶煮鲍鱼、两只青口、一件带子、一只生蚝及一只翡翠螺。矶煮鲍鱼、带子及生蚝都好好食超级性价比，尤其是系只生蚝是日本的单点$59一只又大只又甜美，我之后再encore多两只。我哋叫咗小食嘅鸡翼，但系我朋友唔食得辣佢食唔到，味道都正常。之后再叫咗Pizza可选两款味道，拣咗辣肉肠及黑毛猪两款味道，都好食，饼底够薄身同脆卜，馅料味道啱啱好。不过之后叫咗个牛骨髓意大利饭，就认真一般，我觉得好咸同埋好油，但其实味道系ok嘅，如果调节下唔好落咁多油及盐咁会好好多。顺带一提，如果每位叫两杯红酒或白酒所有生蚝有六折，但我两个朋友都唔饮酒，所以就享受唔到呢个优惠另外，生蚝嘅cocktail source，你要主动问侍应攞佢先会提供，希望你哋可享用愉快嘅一餐。有啲食物我冇影相呀，因为挂住食唔记得咗。