茶王冰室 (洗衣街) (已結業)

钟意食茶记嘅朋友会唔会同我一样，钟意寻觅好味嘅炒蛋同饮翻杯正奶茶呢？今次就去咗旺角嘅茶王冰室食午餐，食咗叉烧蛋包包同饮咗支樽仔奶茶！唔知系咪少人食蛋包包做午餐呢？侍应问我系咪知道蛋包包系包唔系饭😂我个人觉得蛋包包个炒蛋唔错，唔会太干身，而叉烧就不过不失。份量大，女仔食唒当lunch完全无问题！蛋包包系将炒蛋放系包住馅料嘅白面包上面，所以面包食落会比较淋😅如果平时食三文治钟意烘底嘅人可能就无咁钟意。我比较期待奶茶，但预算有限，今次就试咗平啲$30嘅樽仔奶茶。有预算嘅朋友，可以试下$88嘅茶王之王😂奶茶的确香滑，好顺口，唔知唔觉已经饮唒，而饮完口里面仲留有茶香味😆整体环境同服务态度都ok，去开旺角想食一茶记可以一试。