Baker by Lubuds

营业中

休息中

平日11:50点排队等12点出炉，做第一个买新鲜出炉嘅蛋挞，大约等到12:10点，即买半打走人。12点呢一轮有唔少附近返工或者居民过嚟买架！包装好靓好有诚意，蛋挞盒好大，我个袋装唔落，加一蚊买咗一个大纸袋。蛋挞 $12新鲜出炉即刻食一个！size偏细，打开盒就闻到好浓牛油香、蛋香 。挞皮系千层酥，层层分明，超级酥脆，浓浓嘅牛油香。蛋浆好热，唔甜，蛋味偏淡。酥皮比例上多啲，所以每一啖都食到酥皮包住蛋浆，个人非常喜欢呢个比例。返到屋企已经冻晒，所以焗返热佢。虽然出咗啲油，以酥皮嚟讲可以接受。同新鲜出炉嘅时候比较，黐住蛋浆𠮶层酥皮有明显变腍，酥皮亦都冇咁脆，但都系属于好食嘅蛋挞！杏仁牛角酥 $28返屋企焗热，牛油味明显冇蛋挞咁香。中间+表面有层杏仁膏，杏仁味浓但有啲假。酥皮冇咁脆，中间部分更加有啲腍，可能原味会更加好！