影片
更多
2020-11-21
647 浏览
好耐以前喺台湾第一次食古早味蛋糕之后就好钟意，但当时返到黎香港之后都冇乜地方有古早味蛋糕食，一路都好挂住。好彩近年香港越开越多古早味蛋糕店，我每次见到都会忍唔住买，暂时仲揾紧边间先最贴近喺台湾食到嘅味道。今次去开黄埔呢边，经过见到呢间古早味蛋糕，见到有啲几特别嘅味道可以拣，一于就试下。老板见我企喺到望住个餐牌挣扎咗咁耐，就同我讲其实可以半份半份咁买，咁我就可以试多几只味。今次就买左日本蜂蜜柚子味同阿里山原味道。🍊日本蜂蜜柚子味（半条）$50蛋糕表面有柚子皮，食落去几重柚子味。另外始终有蜂蜜，所以会比较甜少少，但呢个甜度唔会令人抗拒。咬落去都几松软，拎上手又唔会太油，几好。🍰阿里山原味道（半条）$40第一次试呢间古早味蛋糕，冇理由唔试吓个原味嘅。原味蛋香十足，带有微微嘅甜味。我个人钟意呢个原味多过个柚子味。老板都话舖头最受欢迎嘅系原味、朱古力味同埋芝士味。走𠮶阵见到师傅咁啱整紧四重芝士味，见到佢逐层逐层芝士加上去，劲吸引，超想买呢只味，可惜未够钟出炉，唯有下次撞啱时间再黎买啦。虽然餐牌上有好多款拣，但老板话因为每底蛋糕都要用1.5个钟整，所以每个时间可能只有四五款可以拣，所以如果大家撞啱
今次去开黄埔呢边，经过见到呢间古早味蛋糕，见到有啲几特别嘅味道可以拣，一于就试下。
老板见我企喺到望住个餐牌挣扎咗咁耐，就同我讲其实可以半份半份咁买，咁我就可以试多几只味。今次就买左日本蜂蜜柚子味同阿里山原味道。
🍊日本蜂蜜柚子味（半条）$50
蛋糕表面有柚子皮，食落去几重柚子味。另外始终有蜂蜜，所以会比较甜少少，但呢个甜度唔会令人抗拒。咬落去都几松软，拎上手又唔会太油，几好。
🍰阿里山原味道（半条）$40
第一次试呢间古早味蛋糕，冇理由唔试吓个原味嘅。原味蛋香十足，带有微微嘅甜味。我个人钟意呢个原味多过个柚子味。老板都话舖头最受欢迎嘅系原味、朱古力味同埋芝士味。
走𠮶阵见到师傅咁啱整紧四重芝士味，见到佢逐层逐层芝士加上去，劲吸引，超想买呢只味，可惜未够钟出炉，唯有下次撞啱时间再黎买啦。虽然餐牌上有好多款拣，但老板话因为每底蛋糕都要用1.5个钟整，所以每个时间可能只有四五款可以拣，所以如果大家撞啱有自己想食嘅款，记得把握机会买呀。
买完之后，老板将蛋糕放入盒𠮶阵顺便同我讲，佢地嘅胶袋整得特别厚，又可降解，建议大家平时可以环保啲重用呢个胶袋。
张贴
