興記菜館

营业中

休息中

二人去食，叫了四味𩠌。1. 蚝饼本人最钟意食蚝有关嘅食物。见人推介，咁就一定要试吓了！系几唔错嘅，煎得几香，而且热辣辣。蚝的数量亦适中及平均分布，唔会话太少。2. 蚬劲香。又系热辣辣，d豉椒汁劲惹味，夹埋冰冻既青岛啤（唔记得影支啤酒，不过无所谓啦，系人都知乜样)，简直系享受，完美配搭。3. 啫啫通菜系侍应介绍嘅。果然系唔错，啫啫煲令d菜更加又热又香，d菜叶稔兼索咗啲汁嘅味！4. 麻辣鸡煲仔饭因为佢自称麻辣，所以要试，不过完全唔觉得有辣过。不过咁，d饭有水准，饭焦非常香。埋单一人138蚊，饮饱食醉，又有质素，我觉得好抵。