幕多

营业中

休息中

今日我去试过呢间好多人食过都赞好👍嘅酱油虾浓汤面。 因为怕人多等候， 我大概中午两点后至去到， 等咗阵就有位。店内主食只卖一款酱油虾浓汤面， 如果你唔食虾的话，咁真系要谂过至好嚟。面系可以选拉面／刀削面。 当碗面送到上枱，店员会在虾汤上再淋上虾头油。 惯例饮咗汤先，我完全感到虾只嘅精华分解融入汤中，劲浓，鲜嘅虾汤底。 至于阔条嘅刀削面烟韧有咬劲，亦是我喜欢嘅质感。 再配上两只经自家酱油调过味嘅基围虾。 虽然呢碗未至于我食过最好味嘅虾汤，但呢碗我食得满足嘅虾汤面， 绝对是色，香，味 到有齐。除了虾汤面外， 酱油小食同样觉得做得不错。我点了鲍鱼及溏心蛋两款酱油冷盘小食。 鲍鱼煮后都算大只，用上自家酱油调味，酱油味道不错，入口带少少酒香。