五匠六釜

营业中

休息中

今日去咗启德嘅新商场Airside，试咗6楼一间叫五匠六釜嘅京川沪菜，今次试咗好多唔系好辣嘅菜式都相当之美味，下次再嚟试吓佢哋嘅川菜先得。酸辣汤$64酸辣汤记得趁热食，呢度嘅酸辣汤酸辣平衡做得好好，唔会太酸，辣味都好适中，入面嘅材料包括木耳等等，亦都令到成个酸辣汤嘅口感更加之丰富美味。北京填鸭半只$168食片皮鸭最怕唔够饼皮，呢度叫半只片皮鸭已经有20块饼皮，片皮鸭肥瘦适中，食到皮嘅香脆之余又唔会太肥腻，我哋见好多人都系比片皮鸭吸引入嚟，附近好多人都食片皮鸭。蚂蚁上树$82呢个蚂蚁上树系必食嘅推介，蚂蚁上树系一个微辣嘅炒粉丝，未去到好辣，但系佢嘅麻味好出，炒得极之香，连埋个面入面嘅一啲肉碎一齐食超滋味。