莆田 (形點 I)

营业中

休息中

复活节假期前夕周围晚饭都多人，咁岩经过莆田见到做紧蛏霸promo，$198任选2款，虽然入面都坐满人，但好彩唔洗等位直入，之前都有黎莆田食过都觉得唔错，果然不愧为米芝莲一星餐厅。蒜蓉蒸蛏子果然真系进店必点，见到隔离附近都有叫。蒜蓉铺满系蛏子上面，一定要将蒜蓉夹埋蛏子一齐食，真系食唔停口。红菇鲜蛏汤红菇煮出黎的汤真系红色，非常清甜，蛏子非常新鲜。冰浸苦瓜苦瓜用冰浸住，排列成花形，好有心思，苦瓜非常爽脆，点蜜糖食，好清新。莆田焖豆腐望落似蒸蛋，食落有浓浓的黄豆味，好似饮紧豆浆咁。渔民紫菜焖饭呢个饭普通得黎又几特别，用紫菜焖饭，紫菜同饭会痴埋一齐，食落好香。