影片
更多
2024-10-02
1697 浏览
生日当然要食得开心又满足!身为一个地道蟹控，我当然吾会错过呢个机会，特登book左位于⻄贡WM酒店的WM咖啡厅食「蟹逅秋意自助晚餐」庆祝生日。呢度不单止环境一流，由于装潢以「从日出到日落」为题，主色调系橙色同木系啡色，比到人好舒服又Chill既用餐环境，仲有琳琅满目既蟹类美食，真系蟹迷既天堂。.今次嘅自助餐主打秋季时令蟹菜。呢个自助晚餐真系好丰富，每位成人同小朋友都会有一份香浓诱人既焗酿蟹盖，开头就比你一个Surprise! 自助餐选择好多，特别系海鲜方面，有即开时令生蚝、冰镇法国面包蟹、加拿大松叶蟹脚、海螺等等，仲有刺身、手卷寿司，真系唔怕你拣唔到岩食架。.【刺身冷盘区】 系一大亮点，成个冰镇海鲜区真系好丰富，有即开生蚝、小龙虾、加拿大松 叶蟹脚同法国面包蟹等，D海鲜够晒鲜甜、够冻，绝对岩晒钟意食海鲜既朋友仔。刺身方面有三文鱼、八爪鱼、油甘鱼同希灵鱼都好新鲜，仲有好多款寿司，但真系要留返少少位置for其他美食。.【前菜沙律菜区】 有文金拔芝士、冻肉肠、田园沙律、烟三文鱼凯撒沙律，款款清爽开胃，比你慢慢享受。.泰式芒果蟹肉米卷系其中一款我最推荐既前菜，佢用咗新鲜既熟蟹肉、芒果、胡萝卜同
.
今次嘅自助餐主打秋季时令蟹菜。呢个自助晚餐真系好丰富，每位成人同小朋友都会有一份香浓诱人既焗酿蟹盖，开头就比你一个Surprise! 自助餐选择好多，特别系海鲜方面，有即开时令生蚝、冰镇法国面包蟹、加拿大松叶蟹脚、海螺等等，仲有刺身、手卷寿司，真系唔怕你拣唔到岩食架。
.
【刺身冷盘区】 系一大亮点，成个冰镇海鲜区真系好丰富，有即开生蚝、小龙虾、加拿大松 叶蟹脚同法国面包蟹等，D海鲜够晒鲜甜、够冻，绝对岩晒钟意食海鲜既朋友仔。刺身方面有三文鱼、八爪鱼、油甘鱼同希灵鱼都好新鲜，仲有好多款寿司，但真系要留返少少位置for其他美食。
.
【前菜沙律菜区】 有文金拔芝士、冻肉肠、田园沙律、烟三文鱼凯撒沙律，款款清爽开胃，比你慢慢享受。
.
泰式芒果蟹肉米卷系其中一款我最推荐既前菜，佢用咗新鲜既熟蟹肉、芒果、胡萝卜同⻘瓜，再配上芫茜，味道清新吾会腻。芒果既甜同蟹肉既鲜互相辉映，再加上⻘瓜既脆口感，真系吾错。而松叶蟹肉果冻就更加特别，入口果冻滑溜，鲜甜既蟹肉加埋清爽嘅果冻，口感独特，带出一种清新而鲜美既滋味。
.
【炸物热盘区】 作为大人小朋友都极受欢迎嘅区域，选择一定会系超多，有海底椰杏汁雪耳 鸡汤、黑松露蘑菇忌廉汤、黄咖喱海鲜、小笼包、免治鸡软骨串、天妇罗、炸蟹钳等等，简直系炸物同热食控嘅天堂!
. 特别推荐蟹粉流沙天使面，咸蛋黄同蟹肉真系绝配，D蟹粉香浓而唔吾会太腻，配埋天使面，口感滑溜。而泰式蟹膏油炒蟹肉饭亦都好好味，炒饭入面既蟹膏香浓，饭粒吸收左蟹膏精华，味道层次丰富。至于蛋白蟹肉扒时蔬，口感较为清淡，健康又吾会过重口味，蛋白同蟹肉一齐食，简单而鲜甜。阿拉斯加蟹脚茶碗蒸就更加吾可以错过，蟹脚鲜甜肥美，配埋滑嫩既蒸蛋，口感真系一流。
.
【甜品饮品区】 有燕窝蒸蛋白、蓝莓芝士蛋糕、车厘子黑森林蛋糕、⻘苹果慕丝蛋糕、法式 千层酥等，款款都好精致。其中班兰椰子菠萝蛋糕，好值得推荐。班兰清香同椰子既浓郁交织，再加上菠萝既微酸口感，真系好特别，蛋糕湿润而吾会太甜，非常岩香港人嘅既口味。D24榴梿蛋糕绝对系榴梿迷既最爱，榴梿味超浓郁，蛋糕松软入口即化。香印提子挞亦都系我既推介，D提子够鲜甜，挞底又够脆，配埋淡淡既奶香，非常满足，忍吾住一次过食咗3块添。桂花酒酿小丸子由香甜既酒酿配埋软糯既小丸子，再加上淡淡既桂花香，比人有种暖暖既感觉，最后食埋食Häagen-Dazs雪糕，完美收尾。
张贴
