Cafe Whale

营业中

休息中

今日帮衬Cafe Whale见到老板喺度玩扭蛋机，于是就口多多问佢有乜野好食，佢叫我帮佢做吓白老鼠试吓呢个新菜式，就系松叶蟹肉蟹味噌配吐司，$108，老板仲话为咗呢个新菜式专登买咗呢个重金属蟹形碟。等咗10分钟左右就有得食，卖相好有霸气，个蟹盖都几大件，呢个菜式其实就系将D松叶蟹肉同埋D蟹糕酿入个蟹盖入面然后攞去炸，原来蟹味噌就即系蟹糕，不过无求证到系唔系松叶蟹蟹糕。味道唔错，而且好多蟹肉同蟹糕。上面插住𠮶支系食大闸蟹用𠮶D浙醋。至于份吐司其实就系用返佢地Burger个面包砌薄片再烘干身成为多士，搽D蟹肉蟹糕上去食，都几正。