阪神

营业中

休息中

Omg 劲邪恶之前细佬买过一次阪神返嚟食，就对𠮶个大阪烧念念不忘。原来系yoho都有，可以坐低慢慢食。呢间野原来唔似得大阪烧食，仲有饭面同小食。黑松露帆立贝大阪烧 $55超级邪恶超级过分，佢系劲多嘅黑松露酱汁，佢个汁真系好好食，成个大阪烧都充满咗佢嘅汁酱，仲要食到粒粒嘅帆立贝☺️但系就有小小掩盖左本身大阪烧嘅味道，不过都系好食😋蟹肉蟹膏饭 $62呢个真心劲癫，佢嘅蟹膏系超级好食，我真系好挂住韩国，佢嘅喺𠮶度有啲似韩国嘅蟹膏酱，唔食饭嘅我加蟹膏酱真系可以食到好多饭个餐加$20，会有一份轻食同埋嘢饮，所以我哋两个餐都加咗。大阪王将炸饺子佢好似平时我喺超级市场买𠮶只炸饺子，炸得好香好脆甘栗紫薯饼呢个虽然唔系净系紫薯，入面有一粒粒嘅甘栗，但系我好钟意食，香得来又有咬口🥰🥰🥰🥰阪神从来都冇令我失望，食几多次都会拣佢。