張公館

营业中

休息中

天气冻咗好想食蟹，约朋友嚟出晒名嘅张公馆，蟹逅美食。餐厅几grand, 望维港圣诞灯饰大海景。坐低就有以蜡烛热住嘅茶同精致小食，待应会帮忙斟茶。枱与枱之间空间充裕，私隐度高。 #羊肚菌松茸竹笙花菇炖汤好浓郁嘅汤，鲜甜嘅各种菇菌，炖出一种特殊香气，加上完全冇味精，开胃暖胃。 #蟹粉小笼包大大粒，比一般大两三倍，而且好重嘅蟹肉蟹膏味，浸喺热辣鲜甜嘅汤汁。 #蟹粉时蔬大大盘，好清新嘅波菜，配搭超浓厚蟹粉，斋睇已经好养眼。味道中和得啱啱好，唔会饱济。 #香炸虾球炸物有淡淡嘅虾香，配搭酱汁，惹味之选。而且虾胶打啱啱好，口感弹牙。 #蟹粉拌稻庭面面质滑溜，每啖挂住蟹粉。稻庭面配搭味道略淡嘅蟹粉，啱啱好唔会抢。 整体感觉舒适、味道唔错、价位合理，值得再嚟。