第一蠔粉麵 (已結業)

食米线唔一定去咩咩哥，今日试嘅呢间小店都有惊喜。其实系朋友好想食，但小妹唔系好食蚝，所以就叫左个好 boring 嘅鸡翼花枝丸米线，但黎蚝店无理由少少蚝都唔叫，所以就叫左个煎蚝饼。个煎蚝饼十分惊喜，新鲜炸，炸得好脆，唔厚粉，口感亦唔会好油腻，个人觉得水准拍得住打冷，个甜酸酱都唔错，同脆口蚝饼好夹。开始见到$58一碟，其实有啲贵，但食完后觉得值回票价。至于个米线呢，其实无乜特别，正正常常咁，反而佢另外比嘅一碟酸辣萝卜就好好味！小妹唔太食得辣，呢个程度岩岩好，攞嚟𩠌米线亦不错。