四十一冰室 (已結業)

想左好耐ge嘉顿山行今日终于实践左啦！行到身水身汗，天气又热到咁，就去左美荷楼入面个间四十二冰室休息下。今日人唔算多，入到去叫野食，失望ge系，无红豆冰，无凉粉冰，无杂果宾治，无沙冰。收银姐姐一轮咀讲完，我听完o哂咀😮。大热天时先黎无呢d野饮，你个menu要黎做咩？我地先叫左个巴马火腿蜜瓜温泉蛋沙律，老公要冻斋啡，我就要一支麦精，因为佢咩都冇.....出菜就算系几快，无一阵就有得食，卖相都唔错成个配搭系夹ge，蜜瓜甜，成碟野算有水准👍🏻。食食下觉得唔够喉，再叫多份意式拼盘同埋夹饼。呢个真心觉得抵食一碟食到唔同ge野，每样都够新鲜。鸡翼炸得松脆，但系加d泰酱系上面就话系泰式鸡翼呢下就......我建议大家去知名快餐店食算啦。「我完全食唔到有花生酱，完全食唔到有呀！」老公食完就系到咆哮😫。点解呢？呢碟野ge名堂系花生酱夹饼配焦糖香蕉，咁花生酱去左边！其实系有ge,但真系好少好少好少....块饼好干身，唔ok，好滞肚反而上面d香蕉，士多啤梨，蓝莓同棉花糖系呢碟最好食ge食物。饮品方面，老公话杯啡ok,我支麦精有咩好讲？冇啦😒希望佢下次有番d特饮，唔好再咩都冇