公和荳品廠

营业中

休息中

真系好耐冇嚟呢度食豆腐花啦，嚟到竟然系隔离开咗分店，新舖装修新净阔落d但系我都系去咗旧舖食一坐低叫咗2碗热豆腐花（$10）同煎酿双拼（$14），系煎豆腐同豆卜。之前不嬲都系食开煎酿豆腐，原来煎酿豆卜仲好食，脆卜卜，下次可以叫净豆卜。豆腐花热辣辣，入口顺滑😋友人帮我加得太多黄糖，甜咗小小，但依然好味。食完好似唔系好够，再叫咗碟炒面，叫完之后听到有客人叫净炒大豆芽，友人话下次可以试吓。公和荳品厂有多年历史，风味依旧，宜家仲有新加嘅食物等客人有多种选择，价格相宜，物超所值，值得一去再去。