OX Steak Lounge

营业中

休息中

大埔开左间睇落几精致嘅西餐厅，环境灯光偏暗，貌似行中高档路线。由佢装修嘅时候已经开始留意，门口招牌有个S字母我成日路过见到都觉得佢系倒转左🤔 餐厅主打唔同部位款式嘅牛肉。我地两个人，试左个tasting menu同埋散叫左少少野，另外再叫左红白酒配搭一下。 Tasting Menu🍄顶级牛肝菌忌廉汤：香浓嘅牛肝菌味，幼滑之余都食到少少牛肝菌颗粒，忌廉好似有拉花（？）👅低温慢煮烟熏牛舌沙律：简单一个沙律清清地🥩韩国Minsok顶级纯种韩牛1++肉眼：比较少接触韩牛，煎得几香，食落有适当嘅嚼劲，配菜嘅摆盘都几有心思🍨顶级比利时心太软.雪糕：心太软配红豆味雪糕，碟上面有朱古力粉logo A la carte🦪半打生蚝：唔记得左系咩款🥩低温慢煮封门牛柳：封门柳通常都系打边炉食，要黎慢煮都几嫰滑🍟🥖a la carte main course可以任食两样野：薯条同面包，最啱大胃王。薯条分别有茄汁同埋黑松露酱，面包方面配有牛骨牛油。 整体摆盘都有啲心思嘅。座位方面几舒适，大部分都系软座，a la carte menu嘅薯条同面包任食，最啱三五知己饮两杯chill住食。