榮興粥麵家

营业中

休息中

又到中午放饭时间，天寒地冻想食下粥，揾下资料见到呢间荣兴粥面店，价钱方面算系几亲民，就一于黎试下啦。小店铺面不大，数埋无十张枱，环境都比较老旧，老店无翻身过都正常，餐牌贴晒系墙上，除左有粥之外仲有好多款怀旧小食，如炸油池，粉仔同碗仔翅等等，车仔面都有，总有一款岩你食。猪红碎牛粥粥底方面做得都唔错算几绵滑，碎牛已经混埋落d粥度有分于某d粥店摆系底自己捞，猪红都无怪咪腥味，27蚊双拼粥算系几抵食。炸两炸两就14蚊，份量就少d，同好多粥店一样都系预先整定，所以会冻d，正常野，肠粉皮就包得比较松散，食落就还可以啦，另外调味料方面无麻酱同芝麻，只有甜酱辣酱，有点失色。虾米肠食完碗粥同炸两感觉仲争d，见格黎格碟虾米肠好似几靓就叫碟黎食，卖相是不错，虾米同葱花都几足，不过肠粉质地唔够爽滑，比较软糯d，再加上酱料无麻酱同芝麻助攻，都系感觉争少少，但14蚊黎讲算ok既。整体而言，街坊老店价钱不贵，食物款式种类选择多，食物质素尚算可以，口痕想坐底食下小食都系个几好既选择。