龍門大酒樓 (已結業)

同班波友打完波揾地方食饭，一行六人原本谂住去明记，谁不知内部装修暂停营业，去庄士敦又鬼咁多人，辗转下到了这里。呢度十年如一日装修都系咁旧，地方系差少少，但在湾仔打墩咁多年，话到尾都系陪伴我们成长的地方，而且价钱相宜，所以都无所谓。叫了一煲例汤、羊腩煲、焗鱼肠、芋头扣肉、大豆芽炒大肠同栗子炆鸡。今晚例汤是粉葛赤小豆煲鲮鱼，够聚火，足料亦好似都少落味精，份量足够一人饮到两碗，都唔错；羊腩煲的羊肉不是什么好货色，味道唔燥，肉仲有D嚡同韧，同吃的配菜如马蹄、生菜、枝竹等更好吃；焗鱼肠焗得几香，无咩腥味，食鬼鱼肠的可一试；芋头扣肉几肥美，如喜欢吃肥肉的话绝对会很满足，不吃肥的都可以食芋头，够粉亦很甜美；炒大肠风味不错，可惜大肠几韧，可能不是新鲜货都唔定；栗子炆鸡亦好味，又系栗子好食过鸡。连啤酒汽水，埋单连加一贴士四百蚊有找，一人只系六十几。虽然地方麻麻，食物味道亦非很出色，但胜在经济抵食。题外话：酒楼门口有安排员工拿咪招徕，个人觉得是多止一举，加上个阿姐可能由朝讲到晚有D攰，所以比较有神无气，老实讲有点反效果。