風車

营业中

休息中

难得放假，同妈咪去大围买嘢就喺附近揾间餐厅食。下午茶时间嚟到，点左两个午餐。见网上啲人介绍食意式猪扒包，所以嗌咗一个猪扒包配薯条，妈妈好钟意食鱼，所以嗌咗一个鱼嘅意粉。晏昼午餐会跟汤或者沙律同埋嘢饮。汤同沙律嘅份量都好大。沙律淋上咗黑醋，好开胃。是日例汤就系蘑菇汤，都系好大碗，蘑菇味都好浓郁。猪扒包个调味唔错，酱汁加埋蔬菜好清新。如果猪扒厚啲嘅话口感会更好。好可惜嘅系猪扒包个面包唔脆，如果脆啲嘅话一定更加好食。至于芥末鱼意粉，鱼煎得几脆，意粉系蒜蓉意粉。仲加咗啲蔬菜，几健康。整体还好。