上海珍珍排骨麵

营业中

休息中

星期日又与上公众假期嘅屯门，简直系人山人海呀!中午时份更难揾地方开餐，原本想食Delifrance点知已经关门大吉行行吓行到去呢个旧式小小嘅商场，见到呢间有上海面食就入去试试先!入到去都有坐满8成，点咗个餐唔使3分钟即刻上枱，快到不得了!点咗份猪排上海汤面常餐汤底方面尚算清甜，唔会太多油，榨菜唔会太咸夹面一齐食都ok~面质软硬度适中，唔似再番煮，食落仲有淡淡嘅面粉香味!至于成个面嘅重点猪排，上枱时仲见到刚炸起时仲有啲油系面'滋滋'跳，用咗连骨既部份，size 有我3/4只手掌咗咁上下，仲要两块添虽然系炸，但食落口唔算油腻，有用基本腌料腌过令猪排有啲味道，食得出猪排本身既肉香而且咬开时啲肉仍然一丝丝(因为有啲餐厅会用大量松肉粉令佢滑啲，但嗱到啲肉味无晒)，呢点加返好多分呢!叫咗杯冻奶茶跟餐加两蚊份量非常足，以今时今日嚟讲真系叫抵食，保留到份旧式街坊餐厅嘅味道。