泰金文 (已結業)

好耐无写食评啦，连续两个礼拜都打风，搞到咩野心情都比风吹走晒，打完风梗系要出街食返啲好野啦。经朋友介绍，今次去咗深水埗嘅北河街街市顶楼食泰国菜，谂住街市环境就唔会太好架啦，黎到之后虽然周围比较嘈杂，但估唔到会有冷气仲要几凉个只，真系意料之外，卫生就普通啦，始终都系街市想要高级餐厅咁就无可能架啦。依度啲野食真系唔算贵，而且仲要几大碟好抵食，味道仲要几好，可以话好过九龙城啲泰国菜，好有泰国嘅味道，可能系咁嘅关系，隔离枱成围泰国人食野添，我地两个人就叫咗 5 样野食同埋一支啤酒都系 $ 370 咋，比啲相大家睇吓啦！生虾刺身依度啲虾好新鲜，比较厚身有肉啲，食落唔会一啖就无，同埋一碟已经有8只，好抵食冬阴功汤叫咗个细嘅冬阴功汤，我地两个人，每人饮两碗先饮得晒，汤就几够味同几足料，虾都有4只系里面，可惜就有咸咗啲。。。炸虾片个虾片事头婆送嘅，见到佢有另外 pack 开摆系度卖，食落感觉到真系虾肉炸出黎嘅，好脆口。香叶辣肉碎沙饭个饭黎到个吓真系好香，食落香味同辣味加埋一齐唔会觉得漏，味道啱啱好。凤爪沙律我系出面食过啲凤爪沙律辣过头，依度就啱啱好，会另到人开胃啲，同埋送啤酒一流泰式炒椰菜苗炒得几够镬