泰金文 (已結業)

和老婆大人在深水埗買完野，她突然想食泰國菜，九龍城就屬，深水埗真係唔知邊度好。當然即刻揾Openrice幫手，結果揾到呢間由一對泰國夫妻剛接手的舖頭。我們每次吃泰國菜都例牌叫炒金邊粉，而我就加多杯奶茶。蝦肉金邊粉好好味，蝦餅好大件，正合我意。而最驚喜的是飲到一杯地道泰式奶茶。同老闆娘寒暄了幾句，得識他們都會盡量用來自泰國的材料。而在現在的疫景下，生意不好，但廚師老闆仍然敬業樂業，見到客人滿意，他便很開心。下次叫我試吓泰國黑咖啡，我當然一口應承。

今年廿一歲仲係讀緊書嘅我自然想搵多啲平嘢食。呢間餐館第一唔係貴,最緊要鄰近地鐵站。啱啱理工大學上完堂走過嚟食唔使半個鐘。裏邊招牌菜有他們嘅海南雞飯。冬陰功湯唔錯。值得一提佢哋嘅湯好重香茅。對於通血管有幫助。生日嘅時候過嚟。

現在香港地租金貴，想吃抵吃的泰菜，也要去d平d地區找，亂行亂撞的找到這間平，味道0k ,抵食的泰菜3百幾蚊，份量大，夠飽，味道不錯，蝦餅及椰汁大菜糕是送，其他菜式也不錯

媽媽經常會去呢間泰菜幫襯，勝在小店夠人情味，而且近屋企。每次嚟必點鱸魚，真心好食，唔會太鞋。今次仲叫咗個蜆，呢個煮法唔太啱我胃口，不過係好食的。另外一個必點嘅就係飛天通菜，勝在唔會整得唔好食。今次只係點咗呢幾味，下次再報告。

好耐無寫食評啦，連續兩個禮拜都打風，搞到咩野心情都比風吹走晒，打完風梗係要出街食返啲好野啦。經朋友介紹，今次去咗深水埗嘅北河街街市頂樓食泰國菜，諗住街市環境就唔會太好架啦，黎到之後雖然周圍比較嘈雜，但估唔到會有冷氣仲要幾涼個隻，真係意料之外，衛生就普通啦，始終都係街市想要高級餐廳咁就無可能架啦。依度啲野食真係唔算貴，而且仲要幾大碟好抵食，味道仲要幾好，可以話好過九龍城啲泰國菜，好有泰國嘅味道，可能係咁嘅關係，隔離枱成圍泰國人食野添，我地兩個人就叫咗 5 樣野食同埋一支啤酒都係 $ 370 咋，比啲相大家睇吓啦！生蝦刺身依度啲蝦好新鮮，比較厚身有肉啲，食落唔會一啖就無，同埋一碟已經有8隻，好抵食冬陰功湯叫咗個細嘅冬陰功湯，我地兩個人，每人飲兩碗先飲得晒，湯就幾夠味同幾足料，蝦都有4隻係裡面，可惜就有咸咗啲。。。炸蝦片個蝦片事頭婆送嘅，見到佢有另外 pack 開擺係度賣，食落感覺到真係蝦肉炸出黎嘅，好脆口。香葉辣肉碎沙飯個飯黎到個吓真係好香，食落香味同辣味加埋一齊唔會覺得漏，味道啱啱好。鳳爪沙律我係出面食過啲鳳爪沙律辣過頭，依度就啱啱好，會另到人開胃啲，同埋送啤酒一流泰式炒椰菜苗炒得幾夠鑊

深水埗北河街街市熟食市場多嘢食係人都知，成日都會同朋友就想去食，有越南菜泰國菜大排檔等等，全部都係抵食選擇。今日就去咗泰金文，生蝦新鮮，冬陰公湯酸酸辣辣好好味，咖喱炒蟹好出色最鍾意泰式咖喱，甜甜地撈飯一流。

是日年三十，同事們一早訂位到這間泰菜食午飯團年，一行9人坐一張非常大的12人檯。同事經常都來這裡吃飯，我反而是頭一次跟他們出來，所以由他們點菜就好了。點了三個小食，燒豬頸肉烤得非常乾身，我最喜歡的還是辣辣的醬汁，非常惹味。炸蝦餅我認為亦是必食之一，外層非常香脆，入面的蝦膠非常彈牙，蝦味十足非常好味。燒牛肉亦不錯，裡面還是五成熟的樣子，但比較乾。喜歡重口味的我配上生蒜和超辣的辣椒片，再點了秘制醬汁，真是很好吃~泰式滑雞肉質都很鮮嫩，就算不配上醬汁也非常好吃。生菜肉碎包炒得非常乾身，有很多蔥及蒜，而且辣度夠，不錯。主食的炒飯及炒粉絲份量足，粉絲非常乾身而且很分別，彈牙好吃。炒飯尚算乾身而且很足料，同事說只是$35，非常抵食。最後還有非常好吃的椰汁糕，大家都很滿足!!! 吃過非常豐富的一餐團年飯，祝願各位都身體健康，工作順利~ 

食泰國菜九龍城和西貢雖然出晒名,但是九龍城勁貴,而西貢又勁遠喎!之前去黃竹坑街市都食過好好味的泰菜,不過真係遠到可一不可再......講番正題,今次泰金文真係出符意料的正斗,可以話又平又正。👍👍👍兩個人食,棒住個肚走,仲要又食又拎,都只是200蚊!!!我一定會帶daddy mummy去食。咁當然講實話,環境就真係一般,始終係舊街市,暗暗地咁,地下又濕,又真係未必個個人ok,但我為了食,絕對ok.

颱風來襲的晚上，鬆弛和我趁著電腦節去了深水埗買電腦，逛了不足一個小時，就順利買到一部手提電腦，而從店員口中得知很快就會掛八號風球，所以打算在附近 吃點東西就回去。鬆弛來之前已經在openrice search了有什麼好吃的，最後我們來到北河街街市熟食市場。這個街市我還是第一次來，都幾大，有安裝冷氣，但是是我去過最骯髒的熟食市場。一進去就覺 得灰沉沉的，不夠光猛，地下濕濕滑滑的，行的時候要很小心，而且裡面有一些不守法的客人在吸煙，雖然是這樣的環境，但食客還真不少。鬆弛想去的是一家泰國菜，就於已宣佈了掛八號的時間，所以我們先問店家是否還營業，一開始他們好像不太情願，我們也不強人所難，但轉身走的時候他們又請我們坐下用餐，既然來了就試試再走。餐牌的食物款式不少，而且價錢便宜。生蝦刺身。本來鬆弛想點獅奄，不過這個用餐環境實在令我不太敢吃獅奄，沒想到他轉而點了個生蝦，不過感覺上生蝦會比獅奄好一點點。生蝦一客八隻，感覺算新鮮，蝦肉透明光滑，沒有雪味，辣汁不算特別辣，但夠惹味，我覺得這樣比較好，因為太辣的話就連蝦的味道都會嚐不到。青木瓜沙律($30)。這個青木瓜沙律賣相正常，上面灑了少量鮮紅色的蝦仔，

這夜又同老友記到街市大利吃飯，突然蝦癮起想食生蝦便到這間泰金文試試﹗這街市特別在你找到個位就間間食店都可以order食物，枱雖然有分顏色以茲識別，但叫餸就無分你我，有如food court似的，抵讚﹗$58，一碟8隻，蝦大隻，肉厚，咬落實淨爽甜，伴著蒜片蘸少少辣汁同吃，美味﹗青木瓜沙律$35，份量不少但做得唔夠酸，不推介﹗伴著樓下辦館買的韓國濁米酒，正﹗

早幾日去完黄金，唔知食乜好，行下行下就去左呢度食飯，當時大概７ＰＭ，本身好少去大排檔食飯既我，一入到去見到巳經坐滿哂人覺得有Ｄ驚訝，無諗過原來香港而家都仲有咁旺既大排檔存在。一坐低，有個阿姐好熱情咁走埋黎問我地食咩，佢用唔喊唔淡既廣東話介紹有Ｄ咩好食，好好笑再問佢先知原來間鋪全由泰國人主理，只有老闆係香港人!我地１行５人，點左椰子雞湯（有冬蔭功既味之餘仲有少少椰子既清香，正），家鄉牛腩（Ｄ牛腩炆得好lum好入味，佢話係鄉下野，所以memu好似無）,泰式蝦餅（呢個都好好，好香口），燒雞（Ｄ雞＋埋Ｄsauce 又酸又甜，都好味）咖哩蝦（味道和一般泰菜館分別不大）家鄉炒田雞（好味！田雞都好滑）鹹魚炒介蘭（一般！）整体來說，很適合三五知己高談濶論，吹吹水！但一家大細有老有小朋友就不太建議，因為環境麻麻，地下有點滑，容易跣腳！