多寶美食 (已結業)

早几晚师傅忽然口痕, 夜妈妈又想揾啲野咬下, 但又唔知食咩好, 忽然间醒起呢间食店, 印象中呢间食店唔错, 对上一次外星人仲话呢度嘅炸大肠好得; 见咁耐冇黎过, 于是决定黎拮两串, !行到埋去师傅犹豫应唔应该柯打一串炸大肠, 由于师傅从来都未食过, 所以都系十五十六, 到最后还是欠缺一份勇气! 于是一口气柯打左两串鱼蛋, 一串墨鱼, 同埋一串牛柏叶, 堂食! 讲明堂食, 个阿姐都系要放落个发泡胶盒内, 想环保少少都唔得, 吹涨! 于是坐底后即刻开餐, 第一啖先试牛柏叶, 牛柏叶入口劲爽口, 一啲都唔韧, 索埋啲咖哩汁, 劲惹味; 再试墨鱼, 墨鱼又系爽口唔韧, 口感其佳, 师傅好耐都冇食过咁正嘅墨鱼; 最后系鱼蛋, 鱼蛋唔算太爽口弹牙, 不过又唔算好腍, 胜在几入味, 接受到啦! 呢间食店最吸引的就是个咖哩汁, 真系几有水准!总括黎讲食物质素都可以, 冇咩环境可言, 皆因坐街边, 服务尚算友善, 价钱就市价, 六蚊串鱼蛋同烧卖, 八蚊牛柏叶同墨鱼, 埋单廿八蚊, 可以啦! 师傅下次再黎必定会鼓起勇气试下炸大肠的, 心想都应该唔错! 深宵时份身处佐敦, 感觉永远都正, 皆因食的选择永远