辣媽川湘私房菜

营业中

休息中

本身中意食辣同川菜，听朋友介绍元朗呢间川菜嘅酸菜鱼好味，所以特登入黎试下😋闲日嘅2点钟唔洗等位，不过都坐满左9成，见住侍应执枱俾我哋，但因为佢只系用用过嘅抹布抹走枱面上嘅食物残渣，冇再用清洁剂，所以枱面都觉得好油腻，感觉唔系咁卫生，送来嘅水我都唔敢饮，因为明显个杯系未洗干净，有污糟野，即刻印象都大打折扣👎🏻食物方面，叫左川北凉粉（中辣）、酸菜鱼套餐（大辣）、香辣锅（中辣）我平时食谭仔系食中辣程度，叫左个中辣嘅川北凉粉都觉得好辣，食得有啲辛苦，反而其他两道菜嘅辣度无问题，系凉粉比较重手😅酸菜鱼系套餐嘅关系，所以唔系有好多块鱼肉，不过好在系食唔到一条鱼骨，口感好滑，香辣锅里面有田鸡、香菜、薯仔、鱿鱼、虾，里面最好食嘅竟然系薯仔，好入味。整体食物质素来讲都算唔错，如果可以改善到卫生问题就更加好，始终疫情期间大家都想安心进食。