影片
更多
2020-02-24
2126 浏览
Belon #中环 ❗️米芝莲一星法国菜❗️为期两星期嘅Black series圆满结束，好开心可以把握到最后机会试到belon🤩🤩🤩Black series期间，可以平价尝试到black sheep restaurants嘅餐厅，呢间已经系我今年第五间，全部都非常高质。作为米芝莲一星嘅Belon，亚洲第15，全世界第96嘅餐厅，当然价格唔平，但的确每一道菜嘅配搭都非常创新，为味蕾带来冲击‼️主打食法国fusion菜，环境舒适，高级得来唔会觉得周身唔舒服，服务一流。$688/1一到埗，侍应攞出佢哋嘅menu作简单介绍，之后就一道一道咁送上，速度快，服务态度都好好💕。首先送上嘅系1️⃣热辣辣嘅(Extra) cream cheese puff忌廉芝士泡芙🧀完全冇谂过个泡芙系热，入口芝士爆晒出嚟，好rich又creamy！之后再配上佢哋嘅2️⃣House made naturally leavened bread with salted Brittany butter 自家制天然酵母面包配布列塔尼牛油🍞🧈同Saucisson de biogorre比弋尔风干猪肉肠🐷，香脆富有口感嘅sourdough配咸
❗️米芝莲一星法国菜❗️
为期两星期嘅Black series圆满结束，好开心可以把握到最后机会试到belon🤩🤩🤩Black series期间，可以平价尝试到black sheep restaurants嘅餐厅，呢间已经系我今年第五间，全部都非常高质。
作为米芝莲一星嘅Belon，亚洲第15，全世界第96嘅餐厅，当然价格唔平，但的确每一道菜嘅配搭都非常创新，为味蕾带来冲击‼️主打食法国fusion菜，环境舒适，高级得来唔会觉得周身唔舒服，服务一流。
$688/1
一到埗，侍应攞出佢哋嘅menu作简单介绍，之后就一道一道咁送上，速度快，服务态度都好好💕。
首先送上嘅系1️⃣热辣辣嘅(Extra) cream cheese puff忌廉芝士泡芙🧀完全冇谂过个泡芙系热，入口芝士爆晒出嚟，好rich又creamy！之后再配上佢哋嘅2️⃣House made naturally leavened bread with salted Brittany butter 自家制天然酵母面包配布列塔尼牛油🍞🧈同Saucisson de biogorre比弋尔风干猪肉肠🐷，香脆富有口感嘅sourdough配咸香味重嘅猪肉肠，系一个好嘅开始🤤。
其后就系头盘。3️⃣Sweet shrimp with chinese celery 甜虾配唐芹🍤完全系对味蕾嘅冲击，唔钟意食唐芹嘅我觉得可以❤️将唐芹打食啫喱状放喺底，然后再配上非常细滑嘅炖蛋白，加埋鲜甜嘅虾仁，散发着鲜味，成个味道非常创新✨。
4️⃣Hamachi salad Nicosie 油甘鱼尼斯沙律相对上普通啲，就系油甘鱼刺身配上沙律菜，不过油甘鱼都几新鲜而且充满油脂😛。
5️⃣Hokkaido scallop with shio kombu and pomelo 北海道带子配柚子昆布，又系另一道冲击味蕾嘅菜式😱单睇个名，觉得啲食材好简单，点知系用上意大利云吞皮包住半生熟嘅带子，再配上柚子昆布酱。酱汁应该用上忌廉等材料，令到成个酱汁带有奶香，酸酸甜甜得来亦非常creamy，超钟意𠮶酱汁🤩！
终于嚟到主菜！6️⃣Half/ whole roasted chicken with petits poise a la francaise 烤半只/原只走地鸡配法式青豆🐔。作为招牌菜，鸡肉果然非常嫩滑，厨师刻意系煮食嘅过程之中唔烤到全熟，再用余温慢慢焗熟，再喺鸡下酿菠菜茸，丰富成个味道✨。可惜并非每一件鸡都有菠菜茸，而且个菠菜茸较为实，容易同鸡肉、鸡皮分离😶。味道方面同港式豉油鸡有啲类似，未算突出🙈。相反，个side dish薯蓉就非常好味，用上大量但唔腻嘅牛油忌廉，再配上香葱、烟肉、青豆，成个薯蓉十分creamy，奶味十足🤤🤤🤤！
7️⃣Millefeuille 拿破仑蛋糕，系我食过最好食嘅拿破仑🥰超级松化嘅酥皮，配上含有云呢拿籽嘅吉士酱，酥皮同吉士酱嘅比例刚刚好，绝对唔会觉得甜腻，再配上酸酸嘅果酱，绝对系味觉嘅最高享受🥳🥳🥳！
最后仲送上8️⃣柠檬味嘅Madeleine马德莲，新鲜烤焗，外层微脆，倘算松软。
好欣赏佢哋对于食物嘅运用，大部份嘅菜式都冲击左我嘅味蕾，系从未食过嘅味道🤯！特别系个拿破仑真系回味无穷！不过所有菜式都偏咸，而且法国菜份量唔多，值唔值$700就见仁见智🙈
张贴
