表叔火鍋

营业中

休息中

今日同几个朋友去左打边炉，呢间铺搭小巴好多时都会见到，上网seaech完见到都唔错呢。环境唔系有好靓既装修，始终我地主要打边炉，如果装修越靓，野食价钱相对都贵。啲枱凳都唔会放到好迫，都有足够既位置。先黎左渣竹蔗水，够哂冻同清甜。叫左胡椒猪肚鸡做汤底。饮左两碗汤先，好香胡椒味，饮好暖胃。手切肥牛，煮完之后望落好似好韧同嚡，点知食落好淋同好牛味！广岛蚝，一碟都有成8~9只，食落唔会有雪藏味，唔错！即炸鱼皮，唔洗放入汤都可以就咁食，非常松脆。即炸响铃，放落汤几下再食，唔单止索哂汤，而且佢本身都好松化。手打四宝丸，真系好弹牙，咬落去𠮶时差啲走出黎。