山本屋 (圍方)

营业中

休息中

大围新开间乌冬店，谂住同男朋友一齐去试下，讲到话百年老店，又系日本开过嚟，我同男朋友都几钟意食乌冬就谂住入去试下。首先，排队要排成粒钟。喺出边排队可以透过玻璃窗望入去，啲顾客食完离开之后，隔咗10分钟先有店员去执台，明知出边排晒长龙，都唔快快手执好台安排顾客入座。其次，上菜速度慢。我观察到佢哋系8个锅8个锅咁出，出完一轮又要等多15分钟，然后都系跟住客人落单时间煮，咁啱我同我男朋友张单就系第9同第10张，所以又要等多一轮，点知个店员漏咗我男朋友张单，足足等咗45分钟先有得食。有时真系觉得呢件事好反智，明白用砂锅煮系需时耐啲，但佢可以同时煮嘅数量亦都太少了吧，怪唔得要排咁耐队。最后讲返啲食物质素，网上啲youtuber吹到几好食几好食，可能个人口味唔同啦。我哋嗌咗味增黑豚肉煮乌冬、咖哩吉列猪扒煮乌冬同埋烧地鸡手羽，个鸡翼的确几好食，几juicy，皮脆肉嫩，但系乌冬真系令我大跌眼镜，乌冬手打系几烟靭，但系一啲都唔挂汁，斋食乌冬就系原汁原味嘅面粉味，令到成碗乌冬食落唔和谐，咖哩汁又太淡，冇乜咖哩味，真系唔会再帮衬。