魚米 (Wetland Seasons Park)

营业中

休息中

岩岩系wetland park开果阵有叫过一次外卖，差唔多上年既事，果次啲鱼汤极好饮，仲好味过细个十几年前鱼米岩岩做起果阵，我饮晒成碗鱼汤都唔会觉得太咸想饮水。今次同朋友去食，饮品选择算多，鱼仲系炸得好食既，下午茶份量同一般时间一样咁多，大食人士一定够饱，阿姐成日顾住倾计睇唔到你入门同挥手不过语气唔算差，呢个茶餐厅价钱唔会要求啲乜，但个鱼汤水平差得太多搞到我要写评投诉下，淡而无味，好似饮水咁，问佢拎樽辣椒油加下味，个辣椒油都好唔掂，可能已经摆左好耐，唔香又唔辣，得开始倒果下先有啲辣味。好彩朋友叫左碗好野，本身我我有奇怪黎鱼米食麻辣/酸辣会唔会好唔掂，结果佢又整得几好食㖞，起码好过一半以上系天水围既酸辣店，鱼米既酸同辣都好够，又唔会太辣或者太酸搞到食唔落，最后我系倒左好多朋友既酸辣汤先食得晒自己果碗，我朋友都饮左好多酸辣汤，好少见佢食面会饮汤，可见真系唔错。虽然两碗汤差距咁大应该俾个OK评，但因为我主力系要投诉个鱼汤质素跌得太劲所以会俾差评，如果咁岩经过又想食酸辣呢间大家可以考虑下。