百樂潮州酒家 (時代廣場)

营业中

休息中

放假去左铜锣湾饮茶，享受下悠闲嘅下午，听人推荐去咗时代广场嘅百乐潮州。先嚟嘅系萝卜糕 ，睇得出佢好足料，咬落口感结实，而且煎到啱啱好，少少香口又唔会㶶。然后叫咗杏汁炖白肺汤，猪肺汤自己整嘅话太麻烦，最适合就喺街外食。饮落去非常清甜，淡淡嘅杏汁味，甜得 唔会太抢，而且有大大块肺片。饮茶当然要食烧卖，烧卖猪肉味浓，仲有原只虾同大大粒冬菇，绝对系诚意之作。之后嚟嘅系椒盐九肚鱼，炸到金黄色，鱼肉软熟滑嫩又唔会太多骨。最后叫咗糯米卷，本身担心两个人食会唔会太多，不过分量适中，两三啖食得晒一个，而且皮好甜。最令我留下印象嘅系呢度嘅装修好靓，有啲舞厅嘅感觉，非常怀旧复古，坐得好舒适。