百利火鍋海鮮酒家 (已搬遷) 新店位置

上网睇到百利又开返，特登约返一班前同事去打边炉，装修咗之后光猛咗好多，尤其系个厕所真系干净左。海底椰子鲜鸡锅🍲＄138食之前大家都好顺手饮左几啖汤先，个汤底好鲜甜，完全冇味精，好搞笑嘅系我哋大家都好惊讶不停系汤度揾只鸡喺边，之后𠮶侍应就拎成只鸡俾我哋。鸡肉偏鞋口，肉质一般，都纯粹为咗吊味。手切本地肥牛（大）🐂$280蝴蝶型肥牛今次较为失望😕，佢较一般嘅肥牛厚身，所以滚嘅时间都要比较耐一啲，牛肉味重但系偏un,同之前食开嘅质素跌咗。安格斯肥牛（细）🐂＄160今次估唔到外地牛肉略胜，食落肉质较为嫩滑，脂肪分布分明，牛味亦都好够。炸鱼皮＄32太好食嘅关系😍😍我哋前后叫咗两碟，鱼皮劲大条，好脆口，但比街外边嘅鱼皮口感更好。手工鲜虾🦐水饺＄65水饺非常扎实👍🏼👍🏼，唔会咬嘅时候散开一旧旧，入边嘅馅好足，好大嚿虾，不过都为成8蚊一粒水饺都唔平。