萬年華燒臘餐廳 (已結業)

去西贡食烧味，通常我同老婆都去呢间「万年华」，有时家人生日都会去订乳猪，朝早都钟意食佢嘅沙嗲牛面，我老婆就食叉烧公仔面餐，几乎每次去亲都会叫嘅，晏昼外卖如果想食烧味一定只谂到万年华，但自从几个月前装修后，朝早早餐质素正常，只系员工有部份转左人，但晏昼去买外买，啲烧味每况愈下，叫两盒肥叉饭，全部都系瘦叉，谂住佢听错下次唔会喇，今次再叫肥叉鸡，竟然都系一样瘦，系咪啲梅头猪肉贵左好多？租又贵好多？今次离谱到用两格嘅饭盒，一睇就知咩事，好悭，左边格几条菜，右边就系饭同烧味，啲烧味唔系𩠌果边格，系放去饭果边添，饭又少，烧味又少又瘦，老顾客表示非常失望，真的不了......估唔到我觉得好嘅烧味又少一间喇.....